قصيــدة الريم اللعـــوب لحــامد زيـد

واعيني اللي كل ماذعذع مـن الغربـي هبـوب
يحلى لها لـون الغـروب اللـي يـذوب قبالهـا

وياويل حالي كل مايحلـى لهـا لـون الغـروب
تطري لي الريـــم اللعوب وسالفة ترحــالها

وياجرقلبي كـل ماتطـري لـي الريم اللعوب
حرمت أمد إيدي على حاجه وانامااقوا لها

من سافرت ريم الغلا صديت عـن كـل الـدروب
ماهـو قصـور بالعـذارى بـس ذيـك لحالهـا

من فارقتني ماخطف قلبي من الحـور محبـوب
ولا لقيـت الجـادل اللـي تستـحـق احيالـهـا

لأن القلوب ان ماوفـت لحبابهـا ماهـي قلـوب
والعشره اللـي ماتـرد الـروح مانسعـى لهـا

اما الوفا اللي يستر الرجـال مـن كـل العيـوب
والا الجفا اللي يستر عيـوب العـرب فرجالهـا

ماأقسى من فراق الجنوب الا فراق اهل الجنـوب
ويلي على اللـي كـل ماتزعـل تشـد رحالهـا

اللي مديرها العتـب لاشبـت بصـدري شبـوب
عيـت اراضيهـا وأهـي عيـت تطـول بالهـا

كانت معي مثل النصيب يحدني مـن كـل صـوب
كانت دروبـي مـن متاهـات الضلـل لظلالهـا

كانت هروبـي لاشعـرت انـي بحاجـه للهروب
كانت سماي اللـي لياضاقـت علـي ألجـا لهـا

ليـه تحدانـي وانافـي كـل الاحـوال مغلـوب
ليـه حرمتنـي مـن قهرعـذالـي وعذالـهـا

ليـه اتجاهلنـي وانامانـي جبـان ولاكــذوب
ليه ارخصت دمعي وانا اللـي مابكيـت الا لهـا

ماترحم اللي له سنه كنه علـى النـار محطـوب
ماهزهـا دمـع الفقيـد اللـي بكتـه اطلالـهـا

ماخافت تهدم سنين اللـي بنتنـا طـوب طـوب
مافكرت تشفـق علـى حالـي وترحـم حالهـا

قولهـا لومـاتـذوب انــا بخليـهـا تــذوب
قولهـا لوماعنـت لـي مستعـد اعنـى لـهـا

اليا دمحت لي هالخطـا بدمـح لهاكـل الذنـوب
وان جابـت الحسنـه معـي تبشربعشرامثالهـا

افرش لهاصدري وطن واجمع من ضلوعي شعوب
وارقـى لهـا مكانـة محـد قـدر يرقـى لهـا

ان كاني مخطي فأنامانـي خلـي مـن العيـوب
الذنـب يغفروالبشـر تجـزا بـقـدر اعمالـهـا

البعد قاسـي والفـراق يضيـق الصدرالرحـوب
واناتعـبـت ادور الحـيـلـه وارد احتـالـهـا

قولولها ترجع ترى ماني على البعـد مغصـوب
والا ترى نـذر علـي انـه مهـوب اشـوا لهـا

اماتجنـب هالهبـال وتتـرك البـعـد وتـتـوب
والا بتبشـر بالهبـال اللـي مهـوب هبالـهـا

كافي زعل ترى الظروف مقفله من كـل صـوب
واناحملـت مـن الهمـوم انواعهـا واشكالهـا

يكفيني اني كل ماهبـت علـى صـدري هبـوب
تحـن عينـي للجـنـوب وتلتـفـت بلحالـهـا

والمشكله انـي كـل ماحنـت عيونـي للجنـوب
تطري لي الريم اللعوب وسالفة ترحالها

وعزالله اني كل ماتطـري لـي الريم اللعوب
حرمت امد ايدي على حاجـه وأنا مقوى لهــا